Íslensk framleiðsla – hráefnið, framboð og vinnslumöguleikar

By admin, 13/09/2011 15:50

Hádegiserindaröð Toppstöðvarinnar og Samtaka iðnaðarins veturinn 2011 – 2012

Toppstöðin og Samtök iðnaðarins hafa tekið höndum saman og standa fyrir erindaröð um íslenska framleiðslu og vinnslumöguleika. Í hverjum mánuði verður tekið fyrir eitt hráefni s.s. málmur, gler og  timbur. Sérfræðingur úr framleiðsluiðnaði varpar ljósi á hráefnið, eiginleika þess, framboð til framtíðar, vinnslumöguleika, horfur og þróun. Í lok hvers erindis gefst svigrúm til fyrirspurna og umræðu. Markmiðið með erindaröðinni er að efla vitund um innlenda framleiðslumöguleika og stuðla að þverfaglegu samstarfi. Hönnuðir og iðnaðarmenn eru sérstaklega hvattir til að koma.

Hádegiserindaröðin verður haldin  í Toppstöðinni í Elliðaárdal þriðja miðvikudag hvers mánaðar kl. 12.10 – 13.00 og er öllum opin.

Þema septembermánaðar er málmur og fyrsta erindið áætlað miðvikudaginn 21. september næstkomandi. Daníel Óðinsson, framkvæmdastjóri Járnsmiðju Óðins ehf. kemur í Toppstöðina og gerir málmvinnslu ítarleg skil.

 

 

Comments are closed

Panorama Theme by Themocracy