Sumarstarfsmaður 2012

By admin, 19/06/2012 14:21

Sæþór Ásgeirsson hefur verið ráðinn sumarstarfsmaður Toppstöðvarinnar í átaki Velferðarráðuneytis og Vinnumálastofnunar og í samvinnu við Nýsköpunarmiðstöð Íslands. Sæþór er með BSc í vélaverkfræði frá Háskóla Íslands frá 2008 og stefnir á útskrift með MSc gráðu í lok árs 2012. Í námi sínu hefur hann lagt áherslu á orkuverkfræði og endurnýjanlega orku, allt frá vetnis- og rafbílum til kjarnorkuverkfræði.  Síðan 2007 hefur Sæþór unnið að þróun og smíði óhefðbundinna vindmylla fyrir sumarhús,  sem eru sérstaklega hannaðar til að þola íslenska veðráttu.

Eftir BS nám starfaði Sæþór hjá Icelandic Hydrogen og ásamt því að leggja stund á meistaranám í vélaverkfræði við Háskóla Íslands. Meistarverkefni Sæþórs felst í hönnun og smíði sporðdrifs fyrir báta.

Sæþór hefur mikinn áhuga á öllu sem tengist grænni orku og orkunýtingu og alls kyns mekanískum kerfum.

Sæþór mun taka virkan þátt í skipulagningu og uppbyggingu verkstæða Toppstöðvarinnar í sumar auk þess að hafa hér aðstöðu til smíði og prófana á fyrrnefndum vindmyllum. Við bjóðum hann velkominn í hópinn!

 

Comments are closed

Panorama Theme by Themocracy